Serbiya Respublikasının Azərbaycandakı fövqəladə və səlahiyyətli səfiri Draqan Vladisavljeviç Lənkəran rayonuna səfər edib. Bu haqda məlumatı Cenublu.az bu gün, 27 iyun tarixində verir.
Səfər çərçivəsində xarici diplomat Lənkəran Şəhər İcra Hakimiyyətinin (ŞİH) başçısı Taleh Qaraşovla görüşüb.
İcra başçısı Serbiya səfirinə Lənkəran rayonunun tarixi, coğrafi mövqeyi, turizm potensialı, ictimai-siyasi həyatı və sosial-iqtisadi potensialı barədə ətraflı məlumat verib, xarici diplomatla rayonun Serbiya ilə qarşılıqlı iqtisadi və mədəni əməkdaşlığının perspektivləri barədə müzakirələr aparıb.
Səfir Serbiyanın Lənkəranla qarşılıqlı iqtisadi, mədəni və xüsusilə turizm əlaqələrinin qurulmasında maraqlı olduqlarını və əməkdaşlıq layihələrinin həyata keçirilməsi istiqamətində konkret addımların atılmasının mümkünlüyü barədə danışıb.
Görüşdə Serbiya səfirinə xatirə hədiyyəsi təqdim olunub.
Daha sonra xarici diplomat səfər çərçivəsində Lənkəran Tarix-Diyarşünaslıq Muzeyi, “Azərxalça” ASC-nin Lənkəran filialı, İstisu qəsəbəsində çay plantasiyası, Şağlaser kəndində çiyələk bağı və Xanbulançay dəryaçası ilə tanış olub.
