Salyanda zəncirvari qəza nəticəsində bir neçə nəfər xəsarət alıb.
Hadisə gecə saatlarında yeni Ələt-Astara magistralının Salyan rayonu, Çuxanlı kəndi ərazisindən keçən hissəsində qeydə alınıb.
Belə ki, hərəkətdə olan "Mercedes" və "Opel" markalı minik avtomobilləri ağır tonnajlı yük avtomobili ilə toqquşub.
Hadisə nəticəsində "Mercedes" markalı nəqliyyat vasitəsində olan şəxslər ağır bədən xəsarətləri alıblar.
İlkin məlumata görə, qəzaya səbəb Rusiya Federasiyasına məxsus yük avtomobili olub.
Faktla bağlı araşdırma aparılır.
