Həvəskarlar liqasında ölkə çempionu olan “Ərkivan” FK-nın heyəti icra başçısının qonağı olub. Bu haqda bu gün, 16 iyul tarixində Cenublu.az Masallı Rayon İcra Hakimiyyətinə istinadən xəbər verir.
Turnirdə bütün oyunlarını qalibiyyət ilə bitirən komandamız, 10 iyul tarixində “Dalğa Arena”da final matçına çıxıb. Oyunda “Mübariz” FK-nı məğlub edən “Ərkivan” FK qızıl medalın sahibi olub.
Çempionluq münasibətilə Şahin Məmmədov hər bir futbolçunu təbrik edib. O, Masallının adını zirvələrə qaldırdıqlarına görə komanda üzvlərinə təşəkkürünü bildirib.
Sonra çempion komandanı Masallı rayon Gənclər və İdman idarəsinin rəhbəri Sabiq Cahangirov qəbul edib. O, komandanın rəhbəri və baş məşqçisi Ramil Həsənovu və bütün oyunçuları təbrik edib, növbəti yarışlarda uğurlar arzulayıb.
