Masallıda rayon icra başçısı növbəti vətəndaş qəbulunu keçirib. Bu haqda məlumatı Cenublu.az bu gün, 16 iyul tarixində verir.
Qəbul İcra Hakimiyyətinin inzibati binasında 15 iyul tarixində baş tutub. 44 nəfərdən çox vətəndaşın iştirak etdiyi qəbulda vətəndaşlar maddi köməklik və işlə təmin olunma, oğlunun DİN orqanlarında polis işçisi kimi düzəlmə, sosial yardım, pensiya təyin edilmə, sosial yardım almasından ötrü imtina cavabı verilmə, azyaşlı uşağının xəstəliyi, payıbəlli, həyətyanı torpaq sahəsinin verilmə, evinin təmiri və evinə qaz xəttinin çəkilməsi, Həsənli-Köçəkli yolunun asfaltlanması, Qarabağ əlili qardaşının təyinatında adının səhv yazılması, sel suları nəticəsində dəymiş ziyan, kəndin üstündəki bənd yolunun təmiri, azyaşlı qıza toy etməsinə icazə verilmə, üç uşaq anasının övladının xəstə və məişət şəraitinin yaxşı olmaması və s. məsələlər barəsində müraciətlər ediblər.
Şahin Məmmədov müraciətlərin həlli istiqamətində müvafiq qurumlara tapşırıqlar verib, həlli mümkün olan məsələlər yerindəcə həll olunub.
