Lənkəran rayonunun Kərgəlan kəndində Birinci Qarabağ müharibəsində itkin düşmüş hesab olunan şəhid Habil Oruc oğlu İsmayılovla vida mərasimi keçirilib. Bu haqda məlumatı Cenublu.az bu gün, 8 may tarixində Report.az-a istinadən verir.
Şəhidin nəşi Kərgəlan kənd qəbiristanlığında dəfn olunub. Dəfn mərasimində şəhidin doğmaları, Lənkəran Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, Habil İsmayılov 26 may 1975-ci ildə anadan olub. O, 27 yanvar 1994-cü ildə Xocavənd rayonunun Şişqaya yüksəkliyi istiqamətində itkin düşüb. Habil İsmayılov Beyləqan rayonunun Şəfəq qəsəbəsində yerləşən "Peyğəmbərlik" qəbiristanlığında naməlum şəhid kimi dəfn edilmişdi.
