Lənkəranın Yuxarı Nüvədi kəndində Vətən müharibəsi şəhidi Vüsal Kazımovun xatirəsi əbədiləşdirilib. Bu haqda bu gün, 3 iyun tarixində Cenublu.az Lənkəran şəhər Heydər Əliyev Mərkəzinə istinadən xəbər verir.
Tədbirdə mərkəzin əməkdaşları iştirak ediblər. Mərasimdə Heydər Əliyev Mərkəzinin direktoru Reyhanə Sadıxova mərkəzdə fəaliyyət göstərən rəsm studiyasında çəkilmiş Vüsal Kazımovun portretini şəhidin atası Kamran Kazımova təqdim edib.
Qeyd edək ki, Vüsal Kazımov Yuxarı Nüvədi kəndində 17 dekabr 1990-cı ildə anadan olub. Vətən müharibəsində qəhrəmancasına döyüşən igidimiz Şuşanın azadlığı uğrunda gedən döyüşlərdə şəhid olub.
