Vətən müharibəsi zamanı şəhadətə ucalmış lənkəranlı Rzazadə Mirməhəmmədəlinin xatirə lövhəsinin açılışı olub. Bu haqda bu gün, 13 iyul tarixində Cenublu.az Lənkəran ŞİH-yə istinadən xəbər verir.
Şəhidimizin xatirə lövhəsi onun adını daşıyan küçədə əbədiləşdirilib. Açılış mərasimində icra başçısı Taleh Qaraşov, icra aparatının məsul şəxsləri və ictimaiyyət nümayəndələri iştirak ediblər. Lövhənin açılış mərasimi şəhidimizin doğum günündə baş tutub.
Qonaqların çıxışından sonra tədbir məktəblilərin ifasında qəhrəman şəhidlərimizə həsr olunan şeirlərin səslənməsi ilə davam edib.
Rzazadə Mirməhəmmədəli Tərlan oğlu 13 iyul 1997-ci ildə anadan olub. Əslən Lənkəran rayonunun Şiləvar kəndindəndir. 15 oktyabr 2020-ci ildə Cəbrayıl rayonu istiqamətində döyüş tapşırığının yerinə yetirilməsi zamanı şəhid olub. Fəxrimiz ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” və “Cəsur döyüşçü” medalları ilə təltif edilib.
