Bu gün şəhidimiz Rusif Kazımovun anadan olduğu gündür.
Rusif Kazımov 1997-ci il martın 29-da Cəlilabad rayonunun Uzuntəpə kəndində anadan olub.
2003-2011-ci illərdə Uzuntəpə kənd tam orta məktəbində, 2011-2014-cü illərdə isə Cəmşid Naxçıvanski adına Hərbi Liseydə təhsil alıb. 2014-2018-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb.
Azərbaycan Ordusunun leytenantı olan Rusif Kazımov 2020-ci il sentyabrın 27-də başlamış Vətən müharibəsi zamanı, 5 noyabr tarixində Laçın koridoru istiqamətində gedən döyüşlərdə şəhid olmuşdur. Cəlilabad rayonunda dəfn olunub.
İgidimiz "Vətən uğrunda", "Kəlbəcərin azad olunmasına görə" və "Şuşanın azad olunmasına görə" medalları ilə təltif edilib.
