Azərbaycan Silahlı Qüvvələrinin polkovnik-leytenantı, Vətən müharibəsi şəhidi Nail Orucovun oğlu Əlihəsən məzun olub.
Qeyd edək ki, ötən il şəhidimizin digər oğlu Ruslan Orucov məzun olmuşdu və Azərbaycan Tibb Universitetinin Hərbi Tibb fakültəsinə daxil olaraq tələbə adını qazanmışdı.
Əslən Astaranın Məsçitməhəllə kəndindən olan şəhidimiz Vətən müharibəsi zamanı – 31 oktyabr 2020-ci il tarixində Qubadlı rayonu uğrunda gedən döyüşlərdə qəhrəmancasına həlak olub. Ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” medalları və “Azərbaycan Bayrağı” ordeni ilə təltif edilib. Astara rayonunda dəfn olunub.
