Bu gün şəhidimiz – Elmir Həsənovun ad günüdür.
Elmir Həsənov 1988-ci il dekabrın 15-də Cəlilabad rayonunun Göytəpə qəsəbəsində anadan olub. Məktəbi bitirdikdən sonra o dövrün Milli Təhlükəsizlik Nazirliyinin Akademiyasına qəbul olunub, daha sonra təhsilini aviasiya sahəsi üzrə davam etdirib.
2015-ci ildə Azərbaycan Respublikasının Dövlət Sərhəd Xidmətinin aviasiya hərbi qulluqçusu kimi xidmətə başlayıb. Xidmət dövründə mayor rütbəsinə yüksəlib. 44 günlük Vətən müharibəsində iştirak edib və buna görə iki müxtəlif medalla təltif olunub.
2021-ci il 30 noyabr tarixində Səngəçaldan havaya qalxan hərbi helikopterin Xızı rayonunda yerləşən Qaraheybət Aviasiya Poliqonuna enişi zamanı qəzaya uğraması nəticəsində digər 13 ekipaj üzvü ilə birlikdə şəhid olub.
Allah rəhmət eləsin!
