Bu gün Vətən müharibəsi şəhidi Pərvin Təbriz oğlu Salmanzadənin doğum günüdür.
Pərvin Salmanzadə 1991-ci ildə sentyabrın 17-də Astara rayonunun Pensər kəndində anadan olub.
Vətən müharibəsi zamanı o, Ağdərə və Xocavənd istiqamətlərində gedən döyüşlərdə qəhrəmanlıq göstərərək düşmənin xeyli sayda canlı qüvvəsini məhv edib. 2020-ci ildə noyabrın 6-sı Şuşa şəhərinin azadlığı uğrunda gedən şiddətli döyüşlərdə komandirini və əsgər yoldaşlarını xilas edərkən şəhidlik zirvəsinə ucalıb.
Ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "Şuşanın azad olunmasına görə" və "Döyüşdə fərqlənməyə görə" medalları ilə təltif olunub.
