Cəlilabad icra başçısı Vətən müharibəsi qazisi Tağıyev Nurlan Əliağa oğluna baş çəkib. Bu haqda bu gün, 31 mart tarixində Cenublu.az Cəlilabad RİH-yə istinadən xəbər verir.
Nural Tağıyev 17 il Xüsusi Təyinatlı Qüvvələr sırasında xidmət edib, Aprel döyüşləri və Vətən müharibəsi iştirakçısıdır. N.Tağıyev uzun illər idmanın güləş növü ilə məşğul olub. Fəxrimiz 9 oktyabr 2020-ci il tarixində Hadrut istiqamətində gedən döyüşlərdə ağır yaralanıb. Partlayış nəticəsində baş nahiyəsindən ciddi xəsarət alıb.
Nurlan Tağıyev “YAŞAT” Fondu tərəfindən 25 mart 2021-ci il tarixində Türkiyə Respublikasına müalicəyə göndərilib, 1 ildən çox müalicə və reabilitasiya proseslərindən keçərək 2022-ci ilin 18 iyun tarixində müalicədən qayıdıb.
İgidimiz İlham Əliyevin müvafiq sərəncamlarına əsasən, “Azərbaycan Bayrağı” ordeni, “Füzulinin azad olunmasına görə”, “Kəlbəcərin azad olunmasına görə”, “Xocavəndin azad olunmasına görə” və “Vətən uğrunda” medalları ilə təltif edilib.
