Cəlilabad rayon İcra Hakimiyyətinin başçısı Rafiq Cəlilov Buravar kəndində səyyar qəbul-görüş keçirib. Bu haqda məlumatı Cenublu.az bu gün, 9 iyun tarixində verir.
Cəlilabad Rayon İcra Hakimiyyətinin başçısı Rafiq Cəlilovun Buravar kənd sakinləri ilə səyyar qəbul-görüşü keçirilib. Buravar kəndində keçirilən görüşdə rayonun hüquq-mühafizə orqanlarının, xidmət təşkilatlarının rəhbərləri və kənd sakinləri iştirak ediblər.
Səyyar qəbulda sakinlərin arzu və təklifləri dinlənilib, səsləndirdikləri məsələlər məsul şəxslərin iştirakı ilə yerindəcə araşdırılaraq, həlli ilə bağlı tədbirlər müəyyənləşdirilib. İcra hakimiyyətinin səlahiyyətlərinə aid olan problemlərlə bağlı rayon rəhbəri tərəfindən aidiyyəti üzrə müəyyən tapşırıqlar verilib. Həlli rayon səviyyəsində mümkün olmayan məsələlərlə bağlı vətəndaşlara lazımi izahat verilib, onlarla söhbət aparılıb.
