Astara Tarix-Diyarşünaslıq Muzeyində 1941-1945-ci illər Böyük Vətən müharibəsindəki Qələbənin 79-cu ildönümü ilə əlaqədar “Azərbaycan Böyük Vətən müharibəsində” mövzusunda tədbir keçirilib. Bu haqda məlumatı Cenublu.az bu gün, 7 may tarixində verir.
Tədbirdə Şahağacı kənd 1 saylı tam orta məktəbinin müəllim və şagirdləri iştirak ediblər. Qeyd olunub ki, İkinci Dünya müharibəsi illəri bəşəriyyətin XX əsrdə üzləşdiyi ən ağır və dəhşətli dövr olub. Çıxışlarda Azərbaycan xalqının bu müharibədə göstərdiyi əzmkarlıq və qəhrəmanlıqlardan danışılıb, 1941-1945-ci illərdə faşist Almaniyası ilə mübarizədə 600 mindən çox azərbaycanlının iştirak etdiyi vurğulanıb.
