Saatlıda qonşularını qətlə yetirməkdə təqsirləndirilən ata və oğulun cinayət işi üzrə sonuncu məhkəmə prosesi keçirilib.
Apa.az xəbər verir ki, Lənkəran Ağır Cinayətlər Məhkəməsində hakim Neymət Məmmədovun sədrliyi ilə keçirilən prosesdə hökm elan olunub. Məhkəmənin qərarına görə, Elşad Abbasov 18 il 6 ay, oğlu Elçin Abbasov isə 15 il müddətinə azadlıqdan məhrum edilib.
Qanlı hadisə fevralın 5-də rayonun Şirinbəyli kəndində baş verib. İttihama görə, Elşad Abbasov və oğlu Elçin Abbasov qonşuları Mirhəsən Seyidovu tamah niyyəti ilə kənd ərazisindəki sahədə avtomobildə məftillə boğaraq qəsdən öldürüblər. Hadisədən sonra meyitin ayağına daş bağlanaraq su kollektoruna atılıb.
Təqsirləndirilən şəxslərə qarşı Cinayət Məcəlləsinin 120.2.1 (qabaqcadan əlbir olan bir qrup şəxs tərəfindən adam öldürmə) və 120.2.5 (tamah məqsədilə qəsdən adam öldürmə) maddələri ilə ittiham irəli sürülüb
