Cəlilabad RİH-nin başçısı Qəzənfər Ağayev vətəndaşlarla növbəti görüşünü keçirib. Bu haqda məlumatı Cenublu.az bu gün, 17 may tarixində verir.
Qəbul Siyaku kənd inzibati ərazi dairəsi üzrə nümayəndəliyin Vaqadi kəndində baş tutub. Buraya rayonun idarə və müəssisə rəhbərləri cəlb olunublar.
Görüşdə icra başçısı bildirib ki, Vaqadi kəndində bir neçə dəfə görüşlər olub. Bu görüşlər nəticəsində qaldırılan bəzi məsələlər həllini tapıb. Belə ki, kəndin əsas yolu və buradakı körpü təmir olunub, qəzalı elektrik dirəkləri yeniləri ilə əvəz edilib. Hazırda sürətli internet şəbəkəsinin çəkilməsinə, elektrik xətt təsərrüfatının cari təmirinə başlanılıb, qaz xəttinin çəkilməsi və Miki kəndində yeni məktəb binasının tikintisinə hazırlıq görülür.
Daha sonra Qəzənfər Ağayev vətəndaşların arzu və təkliflərini dinləyib, bəzi məsələlərin həlli ilə əlaqədar aidiyyəti üzrə tapşırıqlar verib.
