Neftçalada qayınatası və arvadını qətlə yetirməyə cəhd etməkdə təqsirləndirilən Fərid Bağırovun cinayət işi üzrə məhkəmə prosesi başa çatıb.
Apa.az xəbər verir ki, Lənkəran Ağır Cinayətlər Məhkəməsində hakim Neymət Məmmədovun sədrliyi ilə keçirilən prosesdə hökm elan olunub. Məhkəmənin qərarına əsasən, Fərid Bağırov 8 il 6 ay müddətinə azadlıqdan məhrum edilib.
Hadisə iyul ayında Neftçalanın Xıllı qəsəbəsində baş verib. İttihama görə, Fərid Bağırov küçədə qayınatası, şəhid atası Hüseyn Əhmədova vintaçanla xəsarət yetirib. Daha sonra evə gedərək həyat yoldaşı Əfsanə Bağırovaya da bıçaqla xəsarətlər yetirib.
Fərid Bağırov Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə ittiham olunub.
