Lənkəran Olimpiya İdman Kompleksində Gənc Psixoloqların Yay Məktəbi keçirilib. Bu haqda məlumatı Cenublu.az bu gün, 27 iyun tarixində verir.
Gənclər və İdman Nazirliyi, eləcə də Gənc Psixoloqlar İctimai Birliyinin birgə təşkilatçılığı ilə keçirilən yay məktəbində respublikanın müxtəlif regionlarında təhsil alan 48 nəfər gənc iştirak edib.
Layihənin əsas məqsədi gənc psixoloqlar və psixologiya istiqaməti üzrə təhsil alan tələbələr arasında əlaqələrin qurulması, əməkdaşlıq vərdişlərinin formalaşdırılması və xüsusilə həssas qruplarla psixi sağlamlıq xidmətlərinin təşkili ilə bağlı səriştələrin artırılması olub.
