Astara rayon Mərkəzi Kitabxanasının Şiyəkəran kənd kitabxana filialında ömrünün 40 ilini kitabxana sahəsində çalışmış filial müdiri Nəcəfova Ləyaqət Mikayıl qızının anadan olmasının 60 illik yubileyi münasibətilə tədbir keçirilib. Bu haqda məlumatı Cenublu.az bu gün, 16 may tarixində verir.
Tədbirdə çıxış edən Lənkəran–Astara Regional Mədəniyyət İdarəsinin baş məsləhətçisi Şadoğlan Bayramov, kitabxananın direktoru vəzifəsini müvəqqəti icra edən Emil Baxşıyev, eləcə də Şiyəkəran kənd mədəniyyət evinin və Şiyəkəran kənd kitabxana filialının əməkdaşları Ləyaqət Nəcəfovanın kitabxana işi sahəsində fəaliyyəti haqqında danışıb, 60 illik yubileyi münasibətilə onu təbrik edərək yubilyara ən xoş arzularını bildiriblər.
Sonra L.Nəcəfovaya Fəxri Fərman təqdim olunub.
