Lənkəran Regional Meşə Təsərrüfatı Mərkəzi üzrə oduncaq tədarükü ilə əlaqədar ictimai dinləmə keçiriləcək və qırma işləri aparılacaq. Bu haqda məlumatı Cenublu.az bu gün, 2 iyun tarixində Ekologiya və Təbii Sərvətlər Nazirliyinə istinadən verir.
Belə ki, ictimai dinləmə:
- 8 iyun saat 10:00-da Astara rayonu, Motlayataq kəndində, qırma sahəsi Lənkəran Regional Meşə Təsərrüfatı Mərkəzinin Əsxənəkəran meşəbəyliyinin 3-cü dolayının 2-ci və 4-cü kvartalları;
- 8 iyun saat 15:00-da Lənkəran rayonu, Havzava kəndində, qırma sahəsi Lənkəran Regional Meşə Təsərrüfatı Mərkəzinin Haftoni meşəbəyliyinin 13-cü dolayının 12-ci kvartalı;
- 9 iyun saat 10:00-da Lerik rayonu, Günəşli kəndi, qırma sahəsi Lənkəran Regional Meşə Təsərrüfatı Mərkəzinin Lerik meşəbəyliyinin 5-ci dolayının 62-ci kvartalında keçiriləcək.
