Ölkəyə 61 kiloqram narkotik maddə gətirən Astara rayon sakinləri tututlublar. Bu haqda məlumatı Cenublu.az bu gün, 13 may tarixində verir.
DİN-in Baş Narkotiklərlə Mübarizə İdarəsi tərəfindən Astara rayonunda növbəti tədbir keçirilib. Nəticədə rayonun Sım kəndində yaşayan Xətai Xalıqov və qohumu Afşin Salayev saxlanılıblar. Onlarda və X.Xalıqovun idarə etdiyi avtomobildə tərkibi psixotrop maddələrlə zənginləşdirilmiş 61 kiloqram marixuana və narkotiklərin qanunsuz dövriyyəsində istifadə etdikləri 4 ədəd bank kartı aşkar edilib.
Müəyyən edilib ki, saxlanılan şəxslər İran vətəndaşı ilə əlbir olaraq ölkə ərazisinə narkotik vasitələrin keçirilməsini təşkil edib və marixuananı Sım kəndi ərazisində əldə ediblər. Onlar maddi mənfəət üçün həmin narkotikləri fərdi şəxslərə çatdırmağı planlaşdırıblar.
Faktla bağlı cinayət işi başlanılıb. Saxlanılan şəxslər barəsində həbs qətimkan tədbiri seçilib.
