Narkotik vasitə ilə saxlanılan Lənkəran sakininin həmkəndlisinin evindən oğurluq da etdiyi məlum olub. Bu haqda məlumatı Cenublu.az bu gün, 10 aprel tarixində verir.
DİN-in Mətbuat Xidmətinin Lənkəran regional qrupundan verilən məlumata görə, Lənkəran rayon Separadi kənd sakini, əvvəllər məhkum olunmuş Faiq Fərəcov narkotik vasitələrin qanunsuz dövriyyəsində şübhəli bilindiyi üçün saxlanılıb və üzərindən heroin aşkarlanaraq götürülüb.
Ətrafında aparılan əlavə əməliyyat tədbirləri ilə onun oğurluq əməlinin də üstü açılıb.
Belə ki, F.Fərəcovun həmkəndlisinə məxsus fərdi yaşayış evinə gecə saatlarında daxil olaraq, oradan 900 manat dəyərində müxtəlif məişət əşyalarını oğurladığı da müəyyən edilib.
Saxlanılan şəxs barəsində məhkəmənin qərarı ilə həbs qətimkan tədbiri seçilib.
Faktla bağlı araşdırma aparılır.
