Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin idarə heyətinin sədri Mustafa Abbasbəyli Masallı rayonunda vətəndaşları qəbul edəcək. Bu haqda məlumatı Cenublu.az bu gün, 13 may tarixində verir.
Qəbul 24 may saat 11:00-da Masallı şəhəri, Qarabağ küçəsi, 17 ünvanında yerləşən Heydər Əliyev mərkəzinin inzibati binasında keçiriləcək.
Qəbulda Masallı rayon sakinlərinin işlə təmin olunma, özünüməşğulluq proqramından yararlanma, peşə hazırlığı kursları və qurumun fəaliyyətinə aid digər sahələrə dair məsələlərlə bağlı müraciətləri cavablandırılacaq.
Vətəndaşlar qəbula yazılmaq üçün 17 may saat 14:00-dək (055) 282-30-65; 012 596-43-05; telefon nömrələrinə zəng edə və ya [email protected] elektron poçt ünvanına məktub göndərə bilərlər.
Vətəndaşların qəbulu əvvəlcədən tərtib edilmiş siyahı əsasında həyata keçiriləcək.
Şəhid ailələri üzvləri, müharibə əlilləri, eləcə də digər imtiyazlı şəxslər növbədənkənar qəbul ediləcəklər.
