“Palmali Holding” şirkətinin prezidenti Mübariz Mənsimovun atası Qurban Mənsimovun vəfatı ilə əlaqədar İstanbulda “Levent Cami”sində cənazə namazı qılınıb. Bu haqda məlumatı Cenublu.az bu gün, 21 iyun tarixində verir.
Mərasimdə Qurban Mənsimovun övladları, Mənsimovlar ailəsinin dostları, həmçinin iş, sənət və siyasət adamları iştirak ediblər. Cənazə artıq Bakıya yola salınıb.
Qeyd edək ki, Qurban Mənsimov 15 fevral 1937-ci ildə Masallı rayonunun Miyankü kəndində anadan olub. O, ötən gün İstanbulda müalicə aldığı xəstəxanada dünyasını dəyişib. Bu gün saat 18:00-da Keşlə qəbiristanlığında vəsiyyətinə əsasən, qızı Nüşabənin yanında dəfn ediləcək.
İş adamının Türkiyəni tərk etməməyi ilə bağlı qərar hələ də qüvvədə olduğu üçün Mübariz Mənsimov atasının Bakıda baş tutacaq dəfn mərasimində iştirak edə bilməyəcək.
