Masallılı təsviri incəsənət ustası Rakif İsmayılov 65 yaşında vəfat edib. Bu haqda bu gün, 9 iyul tarixində Cenublu.az Qafqazinfo.az-a istinadən xəbər verir.
Verilən məlumata əsasən, rəssam şəkər xəstəliyindən əziyyət çəkirdi. Bir müddət öncə onun ayağı amputasiya olunmuşdu.
Rakif İsmayılov Masallı rayonunun Ağakişibəyli kəndində anadan olub. O, Əzim Əzimzadə adına rəssamlıq məktəbini bitirib. Təhsilini davam etdirmək məqsədilə Moskva şəhərinə yollanıb. Tahir Salahovdan dərs alan Rakif bəy son illərini Bakının Nizami küçəsində turistlərin portretini çəkməklə keçirib.
