Masallının Şərəfə kəndində “Mədəniyyət kəndlərdə” mədəniyyət-yaradıcılıq layihəsinin növbəti tədbiri keçirilib. Bu haqda məlumatı bu gün 18 iyul tarixində Cenublu.az Masallı Rayon İcra Hakimiyyətinə istinadən verir.
Rayonun qədim yaşayış məntəqələrindən olan Şərəfə kəndində təşkil edilmiş tədbirdə bir çox vəzifəli şəxslər iştirak edib.
Əvvəlcə Şərəfə kəndində yerləşən “Şəhidlər abidə kompleksi”nin önünə gül dəstələri qoyulub, sonra Birinci Qarabağ və 44 günlük Vətən müharibəsi şəhidlərinin əziz xatirəsi bir dəqiqəlik sükutla yad edilib.
Tədbirdə “Halay” və “Həcər” Folklor kollektivlərinin çıxışları da tədbirə xüsusi rəng qatıb. Eyni zamanda, tədbirdə məktəblilər və məktəbəqədər təhsil müəssisələrinin balaca fidanları tərəfindən rəqslər ifa edilib, vətənpərvərlik mövzusunda şeirlər səsləndirilib. Yeniyetmə idmançılar isə nümunəvi idman nömrələri göstəriblər.
Yekunda tədbirlərdə aktiv iştirak edən mədəniyyət işçiləri və məktəblilərə “Təşəkkürnamə” təqdim edilib.
Qeyd edək ki, “Mədəniyyət kəndlərdə” mədəniyyət-yaradıcılıq layihəsi kəndlərdəki mədəniyyət müəssisələrinin fəaliyyətinin genişləndirilməsi, idarəetmənin təkmilləşdirilməsi və istedadlı gənclərin aşkar edilərək dəstəklənməsi məqsədilə keçirilir.
[caption id="attachment_20025" align="alignnone" width="336"]
Foto Masallı Rayon İcra Hakimiyyətini Facebook səhifəsi[/caption]
