Masallıda “Vətənpərvərlik klubu” çərçivəsində “Masallı Gənclər Evi” sosial xidmət müəssisəsinin kollektivi Vətən müharibəsi qazisi Tural Nəbiyev ziyarət olunub. Bu haqda məlumatı Cenublu.az bu gün, 9 iyun tarixində verir.
Ziyarət zamanı qəhrəmanımızın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bölüşüb.
Qeyd edək ki, Nəbiyev Tural Nəbi oğlu 26 avqust 1997-ci il tarixində Masallı şəhərində anadan olub, 2003-2014-ci illərdə təhsil alıb, 2015-2017-ci illərdə çağırışçı kimi hərbi xidmətə yollanıb, həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib.
O, Qubadlı rayonunun azadlığı uğrunda gedən döyüşdə yaralanıb.
Prezident İlham Əliyevin Sərəncamına əsasən, Nəbiyev Tural Nəbi oğlu “Cəbrayılın azad olunmasına görə”, “Qubadlının azad olunmasına görə”, “Kəlbəcərin azad olunmasına görə” və “Vətən müharibəsi iştirakçısı” medalları ilə təltif olunub.
