Masallıda “Vətənpərvərlik klubu” çərçivəsində Il Qarabağ müharibəsi qazisi Nuru Qurbanov ziyarət olunub. Bu haqda məlumatı Cenublu.az bu gün, 8 iyul tarixində verir.
Ziyarət zamanı qəhrəmanın keçdiyi şərəfli döyüş yolundan söhbət açılıb, qayğıları dinlənilib. O, müharibədə qələbə qazanmağının sevincini, döyüş xatirələrini bölüşüb.
Qeyd edək ki, Qurbanov Nuru Şahin oğlu 23 fevral 2002-ci il tarixində Masallı rayonunun Musaküçə kəndində anadan olub. 2008-2019-cu illərdə tam orta təhsil alıb, 2020-2021-ci illərdə çağırışçı kimi hərbi xidmətdə olub. Həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. Qəhrəmanımız Kəlbəcər və Laçın uğrunda gedən döyüşlərdə yaralanıb, 3-cü qrup əlildir.
Azərbaycan Respublikasının Prezidenti cənab İlham Əliyevin Sərəncamına əsasən, Qurbanov Nuru Şahin oğlu “Kəlbəcərin azad olunmasına görə”, “Vətən müharibəsi iştirakçısı” və “Hərbi xidmətlərə görə” medalları ilə təltif olunub.
