“Masallı Gənclər Evi” sosial xidmət müəssisəsinin kollektivi Vətən müharibəsinin iştirakçısı ilə görüşüb. Bu haqda bu gün, 30 may tarixində Cenublu.az Masallı Gənclər Evinə istinadən xəbər verir.
Müəssisənin əməkdaşları Il Qarabağ müharibəsi iştirakçısı Hüseynov Amal Elxan oğlunu ziyarət ediblər. Ziyarət zamanı qəhrəmanımızın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağın sevincini, döyüş xatirələrini bölüşüb.
Hüseynov Amal Elxan oğlu 6 aprel 2002-ci il tarixində Masallı şəhərində anadan olub, 2008-2019-cu illərdə orta təhsil alıb, 2020-2021-ci illərdə çağırışçı kimi hərbi xidmətə yollanıb, həqiqi hərbi xidmətini Azərbaycan Silahlı Qüvvələrinin “N” saylı hərbi hissəsində davam etdirib. Qəhrəmanımız Ağdam rayonunun azadlığı uğrunda gedən döyüşdə yaralanıb.
Azərbaycan Respublikasının Prezidenti cənab İlham Əliyevin Sərəncamına əsasən, Hüseynov Amal Elxan oğlu “Ağdamın azad olunmasına görə” və “Vətən müharibəsi iştirakçısı” medalları ilə təltif olunub.
