Masallı üzrə tenderlərin siyahısı açıqlanıb. Bu haqda məlumatı Cenublu.az bu gün, 4 iyul tarixində Fed.az-a istinadən verir.
2022-ci ilin əvvəlindən 2023-cü il iyunun sonuna qədər rayondakı dövlət qurumları tərəfindən 41 tender və sair üsullarla ictimaiyyətə açıq şəkildə 2,7 milyon manatlıq satınalma həyata keçirilib. Satınalmalarda 30-adək şirkət iştirak edib.
Hesabat dövründə rayonda ən böyük tenderi "Xezer-Construction" MMC (830 min manat) udub. Müsabiqə şəhərin abadlıq işləri ilə bağlı idi. Ardınca isə 734 min manatlıq “Şəhərdaxili küçələrin asfalt-beton təmiri işləri” tenderinin qalibi olan "BİRLİK-3A" MMC şirkəti gəlir.
Saya gəldikdə isə, ən çox tenderləri "Elnur-2" Universal İstehsalat Kommersiya Şirkəti (4 tender və 316 min manat), "Uğurlu İnşaat" MMC (4 tender və 100 min manat) və "Cənub-2000" MMC (5 tender və 107 min manat) qazanıblar.
