Masallı rayon Heydər Əliyev Mərkəzində ulu öndər Heydər Əliyevin anadan olmasının 101-ci ildönümü münasibətilə fiziki məhdudiyyətli şəxslərin əl işlərindən ibarət “Ulu zirvə” mövzusunda sərgi-satış tədbiri keçirilib. Bu haqda məlumatı Cenublu.az bu gün, 8 may tarixində verir.
Masallı Rayon İcra Hakimiyyəti və Sosial Xidmətlər Agentliyinin Lənkəran–Astara regional filialının birgə təşkilatçılığı ilə keçirilən sərgi Masallı rayonundan 12, Astara rayonundan 2, Lənkəran şəhəri, Yardımlı, Lerik rayonlarından 1 nəfər olmaqla ümümilikdə 17 nəfər Peşə Əmək Reabilitasiya Mərkəzinin əməkdaşı və digər əlilliyi olan şəxslərin əl işlərindən ibarət olub.
Tədbir zamanı sərgiyə baxış keçirilib və fiziki məhdudiyyətli şəxslərin zəhmətləri dəyərləndirilib.
Sonda xatirə şəkilləri çəkilib.
