Masallı Tarix-Diyarşünaslıq Muzeyində “Vətənə əsgər olaq” başlığı altında tədbir keçirilib. Bu haqda Cenublu.az bu gün, 24 iyun tarixində məlumat verir.
26 İyun - Azərbaycan Respublikası Silahlı Qüvvələri Günü münasibətilə təşkil olunan tədbirdə hərbçilər, şəhid ailələri, müharibə veteranları, qazilər, mədəniyyət nümayəndələri, mətbuat işçiləri iştirak ediblər.
İlk növbədə Azərbaycanın ordu quruculuğunda əməyi olanların, ulu öndər Heydər Əliyevin və şəhidlərin əziz xatirəsi bir dəqiqəlik sükutla yad edilib.
Tədbir iştirakçılarını salamlayan muzeyin direktoru Əntiqə Tağıyeva Azərbaycanın Silahlı Qüvvələr Gününün 105 illiyi münasibətilə hər kəsi təbrik edib. Təşkilatçılar tədbirdə iştirak edən ehtiyatda olan hərbçiləri, şəhid ailələrini və müharibə iştirakçılarını “Təşəkkürnamə” ilə təltif edərək xatirə şəkilləri çəkdilər.
Sonda iştirakçılar muzeyin 26 İiyun - Silahlı Qüvvələr Gününə həsr edilmiş “Mübariz ordumuz” adlı sərgisi ilə tanış olublar.
