Masallı rayonunda şəhid ailələrinə evlər tikilir. Bu haqda məlumatı Cenublu.az bu gün, 5 iyun tarixində Masallı rayon İcra Hakimiyyətinə istinadən verir.
Masallı rayon İcra Hakimiyyəti başçısının təşəbbüsü, xeyriyyəçilər və iş adamlarının dəstəyi ilə rayon ərazisində I Qarabağ müharibəsi şəhidlərinin ailələri üçün fərdi yaşayış evləri tikilir.
Belə ki, Tüklə kəndində şəhid Xəlilov Zəfər Asəf oğlunun ailəsi üçün 1 mərtəbəli kürsülü, Rüdəkənar kəndində şəhid Qurbanov Arzuman Mirzəli oğlunun ailəsi üçün 1 mərtəbəli kürsülü və Köçəkli kəndində şəhid Yaqubov Ceyhun Sabir oğlunun ailəsi üçün 1 mərtəbəli kürsülü fərdi yaşayış evlərinin tikintisi davam etdirilir.
