Masallı Regional Meşə Təsərrüfatı Mərkəzinin əməkdaşları tərəfindən Qəriblər meşəbəyliyinin 8 saylı dolayında qanunsuz olaraq kəsilmiş ağacların “Mersedes” markalı 99 TH 576 dövlət nömrə nişanlı nəqliyyat vasitəsi ilə daşınmasının qarşısı alınıb. Bu haqda məlumatı Cenublu.az bu gün, 10 aprel tarixində verir.
Meşələrin İnkişafı Xidmətinin rəisi Cabbar Qəribov bildirib ki, ağac materialı yüklənmiş nəqliyyat vasitəsi Regional Meşə Təsərrüfatı Mərkəzinə gətirilərək boşaldılıb.
Məsələ ilə bağlı rayon polis şöbəsinə məlumat verilib. Araşdırma aparılır.
