“Masallı Gənclər Evi” sosial xidmət müəssisəsinin təşkilatçılığı, Masallı Dövlət Regional Kollecinin müəllim və tələbələrinin iştirakı ilə təlim və inkişaf klubu çərçivəsində “Müasir gənclik nə istəyir” mövzusunda maarifləndirici görüş keçirilib. Bu haqda məlumatı Cenublu.az bu gün, 8 aprel tarixində verir.
“Masallı Gənclər Evi” SXM-in inzibati binasında təşkil olunan görüş öncəsi ulu öndər Heydər Əliyevin və şəhidlərimizin xatirəsi bir dəqiqəlik sükutla yad edilib.
Diskussiya formatında keçən görüş zamanı təlim və inkişaf klubunun rəhbəri Nuranə Muxtarova gənclərin hərbi vətənpərvərlik tərbiyəsinin gücləndirilməsi, yaradıcılıq axtarışları, asudə vaxtlarının səmərəli təşkil edilməsi kimi mövzularda gənclərə öz tövsiyələrini verib, ünvanlanan sualları cavablandırıb.
