Masallıda "İxtisas seçimində mentorluq" forumu keçirilib. Bu haqda məlumatı 13 iyul tarixində Azərbaycan Gənc Müəllimlər Assosiasiyasına istinadən veririk.
Görüş Azərbaycan Gənc Müəllimlər Asssosiasiyası və Lənkəran – Astara Regional Təhsil İdarəsinin təşkilatçılığı ilə Masallı Rayon Mədəniyyət Evində baş tutub. Forumda 9-11-ci siniflərə dərs deyən müəllimlər üçün ixtisas seçimində mentorların hazırlanmasından danışılıb. Tədbirdə 300-ə yaxın müəllim iştirak edib.
İlk öncə şəhidlərimizin əziz xatirəsi bir dəqiqəlik sükutla yad edilib. Daha sonra forumun spikerləri "Təhsil Tələbə Krediti Fondu", "Təhsil və karyera planlaması", "Qərar üçbucağı" və s. mövzularda ixtisas seçiminin hansı meyarlara əsasən edilməsi, ixtisas qruplarına daxil olan seçimlər, karyera planlaması haqqında öz bilik və təcrübələrini bölüşüblər.
Forumun sonunda iştirakçıları maraqlandıran mövzular ətrafında müzakirələr aparılıb.
