Masallı rayonunun Qızılağac kəndində fəaliyyət göstərən marketlərdən birində saxta alkoqollu içkilərin satışı faktı aşkarlanıb.
Cenublu.az xəbər verir ki, Qida Təhlükəsizliyi Agentliyinin əməkdaşları tərəfindən keçirilən yoxlama zamanı Abbasov Zakir Ramazan oğluna məxsus marketdə normativ hüquqi aktların tələblərinin pozulduğu müəyyən edilib. Belə ki, satışda mənşəyi məlum olmayan, ümumi sayı 62 ədəd “Gold Organic”, “Organic Vodka” və “Lux Organic” əmtəə nişanlı saxta alkoqollu içkilər aşkar olunaraq satışdan kənarlaşdırılıb.
Aşkarlanmış məhsullardan nümunələr götürülərək laborator müayinələrə cəlb edilib. Faktla bağlı sahibkar barəsində inzibati protokol tərtib olunub, məhsullarla bağlı məhdudlaşdırıcı qərar qəbul edilib.
Hazırda məsələ ilə bağlı araşdırmalar davam etdirilir.
