Masallıda “Dahi Azərbaycanlı” mövzusunda “İnşa yazı” müsabiqəsi keçirilib. Bu haqda məlumatı Cenublu.az bu gün, 11 may tarixində verir.
Heydər Əliyevin anadan olmasının 101-ci ildönümü münasibətilə keçirilən müsabiqənin əsas məqsədi gənc nəslin vətənpərvərlik, dövlətçilik və milli-mənəvi dəyərlər ruhunda tərbiyə olunmasıdır.
Müsabiqənin nəticələrinə görə Elvin Rufullayev 1-ci yerə, Zərifə Hüseynli 2-ci yerə, Türkan Ağayeva 3-cü yerə layiq görülüblər, fərqləndiyinə görə isə Nəsir Şahmuradlı təltif olunub.
Qalib gələn şagirdlər diplomlarla mükafatlandırılıblar.
Tədbir “Masallı Gənclər Evi” sosial xidmət müəssisəsinin təşkilatçılığı ilə həyata keçirilib.
