Masallı Mərkəzi Rayon Xəstəxanasında İİV-lə bağlı tədbir keçirilib. Bu haqda məlumat bu gün, 1 iyul tarixində Səhiyyə Nazirliyi Respublika QİÇS-lə Mübarizə Mərkəzinin Facebook səhifəsində paylaşılıb.
İştirakçılara təcrübəli mütəxəssislər tərəfindən İİV/QİÇS-ə yoluxma yolları, profilaktikası, onun ödənişsiz, anonim qaydada müayinəsi və müalicəsi barədə ətraflı məlumat verilib. Sonda iştirakçıları bu sahədə maraqlandıran suallara aydınlıq gətirilib, tövsiyələr verilib. Tədbirə gələn vətəndaşlar öz statusunu dəqiqləşdimək üçün ekspres-testdən keçiblər.
Tədbir QİÇS-lə Mübarizə Mərkəzinin təşəbbüsü ilə baş tutub.
