Masallı rayon Mərkəzi Kitabxanasında müasir müstəqil Azərbaycanın qurucusu, ümummilli lider Heydər Əliyevin anadan olmasının 101 illiyinə həsr olunmuş “Heydər Əliyev – Azərbaycan xalqının xilaskarı” adlı tədbir keçirilib. Bu haqda məlumatı Cenublu.az bu gün, 7 may tarixində verir.
Tədbirdə çıxış edənlər bildiriblər ki, dahi lider Heydər Əliyev Azərbaycan xalqının tarix boyu yetişdirdiyi nadir və bənzərsiz şəxsiyyətlərdən olaraq milyonlarla insanın qəlbində əbədi yaşayır. Sonra vurğulanıb ki, ulu öndərin rəhbərlik etdiyi illər ərzində respublikamızda böyük elmi, intellektual kadr, iqtisadi və enerji potensialı yaradılmasına nail olunub, ölkəmizin müstəqil yaşaması üçün möhkəm təməl qoyulub. Ulu öndər Heydər Əliyev Azərbaycan xalqının suverenlik arzusunu tarixi reallığa çevirib, böyük qurbanlar bahasına əldə olunmuş müstəqilliyi zamanın çətin sınaqlarından məharətlə çıxararaq qoruyub saxlayıb.
