Masallı rayonunun Viləş kəndində sürücü faciəli şəkildə ölüb. Bu haqda məlumatı Cenublu.az bu gün, 25 iyun tarixində Lent.az-a istinadən verir.
Hümmət Rüstəmovun idarə etdiyi "Mercedes-Benz" markalı mikroavtobus Viləş çayının üstündəki körpüdən keçərkən nasaz vəziyyətə düşüb. Sərnişinləri düşürərək avtomobili təmir etmək istəyən sürücü qaldırıcı qurğu ilə maşının arxasını qaldırıb. Bu zaman qurğu yerindən sürüşərək çıxıb, maşın isə onun üstünə düşüb.
Nəticədə H. Rüstəmov aldığı xəsarətlərdən hadisə yerində ölüb.
