70 saylı Masallı şəhər seçki dairəsindən deputat seçilən Məşhur Məmmədovun ikinci övladı da ABŞ-yə köçüb. Bu barədə deputatın qızı öz İnstagram səhifəsində paylaşım edib.
Belə ki, Masallıda bağça müdiri işləyən deputatın qızı Mədinə Şahbazova artıq Nyu-Yorkda yaşamağa başlayıb.
Qeyd edək ki, ötən ilin may ayında Məşhur Məmmədovun oğlu - Məmməd Şahbazov ABŞ-də “Masalli Enterprise LLC” adlı şirkət təsis edib. “Masalli Enterprise LLC” aprel ayının 20-də Nyu-Cersi ştatının Gəlirlər İdarəsi tərəfindən qeydə alınıb. Şirkətin hüquqi ünvanı Məşhur Məmmədovun ailə üzvlərinin Nyu-York şəhərində yaşadıqları “335 Riverdale Dr Fort Lee, NJ 07024-4441”-dir.
Bildirək ki, Məşhur Məmmədovun övladları Mədinə Şahbazova və Məntiq Şahbazov Masallıda bağçalar inşa ediblər. Masallı şəhər 1 saylı Uşaq bağçasına Mədinə Şahbazova, 4 saylı Uşaq bağçasına isə Məntiq Şahbazov rəhbərlik edir.
Məşhur Məmmədov deputat seçilməzdən öncə ölkənin tanınmış mebel şirkəti olan "Embawood" MMC-nin sahibi olub.
