YAP Masallı Rayon Təşkilatı Tarix-Diyarşünaslıq Muzeyi ərazi partiya təşkilatında “Azad Şuşa” mövzusunda fəallarla görüş keçirib. Bu haqda məlumatı Cenublu.az bu gün Masallı rayon İcra Hakimiyyətinə istinadən verir.
Görüşdə YAP Masallı Rayon Təşkilatının əməkdaşı Cəlal Əliyev, Tarix-Diyarşünaslıq Muzeyi ərazi partiya təşkilatının sədri Əntiqə Tağıyeva, fəallardan Dilarə Hüseynova, Dilguşə Məmmədova, Rahiyə Qurbanlı, Səbinə İbrahimli və başqaları çıxış edərək Qarabağın, o cümlədən Şuşa şəhərinin zəngin tarixindən, mədəni irsindən, işğal dövründə məruz qaldığı dağıntılardan danışıblar.
