Masallı rayonunda 34 yaşlı kişi həyat yoldaşına zor tətbiq etdiyi üçün məhkəmə tərəfindən cəzalandırılıb.
Demokrat.az xəbər verir ki, hadisə rayonun kəndlərindən birində baş verib. 1991-ci il təvəllüdlü Emin (ad şərtidir) Bakı şəhərinə getməyə hazırlaşdığı vaxt arvadı Ləmanla paltarlarla bağlı mübahisə edib. Münaqişə zamanı o, həyat yoldaşını yumruq və sillə ilə döyərək müxtəlif dərəcəli bədən xəsarətləri yetirib.
Faktla bağlı Eminə Cinayət Məcəlləsinin 128-ci (qəsdən sağlamlığa zərər vurma) maddəsi üzrə ittiham elan olunub. O, məhkəmədə əməlini etiraf edib və hadisənin spirtli içkinin təsiri altında törətdiyini bildirib.
Masallı Rayon Məhkəməsinin hökmü ilə Emin 3 ay müddətinə azadlıqdan məhrum edilib və cəzasını ümumi rejimli müəssisədə çəkəcək.
