Masallıda ahıl şəxslərin cəmiyyətin sosial-iqtisadi həyatında fəal iştirakının təmin edilməsi məqsədilə bir qrup ahıllarla görüş keçirilib. Bu haqda məlumatı Cenublu.az bu gün, 8 may tarixində verir.
Tədbirdə Masallı Rayon İcra Hakimiyyətinin başçısı Araz Əhmədov ahılların rayonun sosial-iqtisadi həyatında fəal iştirakının təmin edilməsi, ictimai faydalı fəaliyyətə cəlb edilmələri, onların bilik və bacarıqlarından məqsədyönlü istifadə olunması, asudə vaxtlarının səmərəli təşkili ilə bağlı layihələrin həyata keçirilməsi istiqamətində işlərin görüldüyünü və il ərzində də davam etdirilməsinin nəzərdə tutulduğunu bildirib. Sonra ahıllarla xatirə şəkilləri çəkilib.
Qeyd edək ki, görüş Masallı Rayon İcra Hakimiyyəti və Sosial Xidmətlər Agentliyinin Lənkəran–Astara regional filialının birgə təşkilatçılığı ilə baş tutub.
