Masallı rayonunun Böyük Xocavar kənd sakini itkin düşüb. Bu haqda məlumatı Cenublu.az bu gün, 4 iyul tarixində Daxili İşlər Nazirliyinə (DİN) istinadən verir.
62 yaşlı Mehman Məmmədov iyunun 14-də saat 11:00 radələrində evdən çıxaraq naməlum istiqamətə gedib və indiyədək qayıtmayıb.
Mehman Məmmədovun boyu 168 sm, gözləri qəhvəyi rəngdədir, orta bədən quruluşludur. Evdən çıxarkən əynində mavi rəngli qısaqol köynək, tünd göy rəngli şalvar, qara rəngli ayaqqabı olub.
Onun barəsində məlumatı olanlardan DİN-in "102" Xidməti Zəng Mərkəzinə, həmçinin Masallı Rayon Polis Şöbəsinin 025-215-3942 nömrəsinə zəng vurmaları xahiş olunur.
