Masallı Dövlət Rəsm Qalereyasının təşkilatçılığı və Masallı regional “ASAN Xidmət” mərkəzinin dəstəyi ilə “Heydər Əliyev ili” çərçivəsində 15 İyun - Milli Qurtuluş Günü münasibətilə Masallı rəssamlarının əl işlərindən ibarət açıq sərgi təşkil olunub. Bu haqda məlumatı Cenublu.az bu gün, 15 iyun tarixində verir.
Masallı regional “ASAN Xidmət” mərkəzinin qarşısında təşkil olunan sərgidə çıxış edən mərkəzin direktoru Vidadi Muxtarov sərginin məqsədi haqqında məlumat verib.
Sonra qalereyanın direktor əvəzi Təhmasib Məcidov şərgidəki rəsm əsərləri haqqında iştirakçıları məlumatlandırıb.
Qeyd edək ki, sərgini gün ərzində mərkəzin xidmətlərindən istifadə edən vətəndaşlar da ziyarət ediblər.
