Şahin Məmmədov Masallı Rayon İcra Hakimiyyətinin binasında vətəndaşlarla görüş keçirib. Bu haqda bu gün, 9 iyul tarixində Cenublu.az rayon İcra Hakimiyyətinə istinadən xəbər verir.
Qəbulda icra başçısından savayı, aparatın məsul əməkdaşları, hüquq-mühafizə orqanlarının rəhbərləri, rayonun idarə, müəssisə və təşkilat rəhbərləri iştirak ediblər.
Şahin Məmmədov görüşdə iştirak edən 25 nəfər vətəndaşın qayğıları ilə maraqlanıb. Sakinlər maddi köməklik və işlə təmin olunma, sosial yardımın təyin edilməsi, sosial yardım almasından ötrü imtina cavabının verilməsi, azyaşlı uşağının xəstəliyi, payıbəlli, həyətyanı torpaq sahəsinin verilməsi, şəxsin həyətyanı torpaq sahəsinin başqa şəxsə təqdim edilməsi, torpaq sahəsinin müəyyən olunması, evinə qaz xəttinin çəkilməsi və s. məsələlər barəsində müraciətlər ediblər.
İcra başçısı vətəndaşların qəbulunu yekunlaşdıraraq, müraciətlərin həlli istiqamətində müvafiq qurumlara tapşırıqlar verib. Həlli mümkün olan məsələlər yerində həll edilib, digər məsələlər isə nəzarətə götürülüb.
