Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sədri Vüqar Behbudov Masallıda vətəndaş qəbulu keçirib. Bu haqda məlumatı Cenublu.az bu gün, 15 iyul tarixində agentliyə istinadən verir.
Qəbulda Masallı və Lənkəran sakinləri iştirak ediblər. 20-yə yaxın vətəndaş fərdi ev, avtomobil təminatı, səyyar sosial xidmətin təşkili, sanatoriya-kurort yollayışları ilə təminat, şəhid ailə üzvünün vəsiqəsi ilə təmin edilmə kimi məsələlərlə bağlı müraciətlərini bildiriblər. Agentlik sədri müraciətlərin aidiyyəti üzrə araşdırılması və qanunvericiliyin tələblərinə uyğun olaraq həll edilməsi üçün tapşırıq verib.
Qeyd edək ki, vətəndaşlar (012) 525-41-30 telefon nömrəsinə və 116123 “Qayğı” Çağrı Mərkəzinə zəng edərək, [email protected] elektron poçt ünvanına məktub göndərərək, yerli filiala yaxınlaşaraq, o cümlədən agentliyin sosial şəbəkə hesabları vasitəsilə agentliyə müraciət edə bilərlər.
