YAP Masallı Rayon Təşkilatı Yeddioymaq, Şıxlar, Viləş və Qızılağac ərazi partiya təşkilatlarının fəal partiya üzvləri ilə "Ağ ölümə qarşı mübarizəyə sən də qoşul!" devizi altında "Sağlam həyat üçün narkomaniyaya yox deyək" mövzusunda tədbir keçirib. Bu haqda məlumatı Cenublu.az bu gün, 22 iyul tarixində Masallı rayon İcra Hakimiyyətinə istinadən verir.
Tədbirdə qeyd olunub ki, "ağ ölüm"ə qarşı keçirilən genişmiqyaslı maarifləndirmə tədbirləri YAP Masallı Rayon Təşkilatının Tədbirlər Planına uyğun olaraq rayonda mütəmadi qaydada həyata keçirilir.
YAP üzvləri Surət Nuriyev, İlahə Quliyeva, Qalib Tahirov, Şahin Həsənov və 44 günlük Vətən müharibəsi iştirakçısı Amid Hacıyev çıxış edərək narkotiklərin insan orqanizminə məhvedici təsir göstərdiyini bildiriblər və narkomaniya ilə mübarizənin uzunmüddətli və çoxşaxəli proses olduğunu vurğulayıblar. Həmçinin onlar qeyd ediblər ki, gənclərin bu bəlanın qurbanına çevrilməməsi üçün narkomanlığın qarşısının alınması ilə bağlı həyata keçiriləcək tədbirlərə diqqət artmalıdır. Belə tədbirlərdə ictimaiyyət nümayəndələri və müvafiq komissiyalar arasında əlaqələrin genişləndirilməsi vacibdir.
